اسئلة للبنوتات بـــــــــس

مشكوووووووووووره ع المووضوع ولاسئله الحلوه

هل ضروري أن يكون زوجك وسيم ؟ ولماذا؟

لا لكن لازم يكون شكله مقبول لإن بجابلا طول عمري و عشان عيالي ما يطلعون جياكر

هل الحب ضروري قبل الزواج ؟ولماذا ؟
لا لأن الأنسان مهما كان يعرف شخص لما يكون متزوج منه غير و بعد اللي حبني قبل الزواج حب غيري أو أهوا راح يفكر فيني هالتفكير

هل تفضلي أن يكون زوجك متعلم تعليم كامل أم ناقص ؟ ولماذا؟
اللي تعليمه كامل لأن هذا الشخص راح يكون أبو عيالي فإذا كان أهو مو مكمل دراسته شلون بقنع عيالي بأهمية دراستهم و الشخص اللي المفروض يكون مثلهم الأعلى مو مكمل دراسته و بعد ترى مسألت الذكاء مسألة جينية تنتقل من الوالدين للعيال

ماذا يكون رد فعلك إذا تزوج عليك زوجك ؟ ولماذا؟
أطلب الطلاق لأنه ليش أعور قلبي و إتحمل واحد ما عرف قيمتي وانا أقدر أعيش معززة مكرمة في بيت أهلي

في أي سن تفضلي أن تتزوجين ؟ ولماذا
21 لأن أكون اولا مخلصة دراسة عشت فترة المراهقة و الجامعة بكل عبطها و طلعاتها مع رفيجاتي و أكون عشت كل اللي ممكن أعيشه في مرحلة العزوبية و تشبعت و مستعدة لمرحلة يديدة و مستعدة لتحمل المسؤولية

في أي سن تفضل أن يكون زوجك فيه ؟و لماذا؟
27 لأن يكون مخلص دراسة مكون نفسه و شبعان من الحياة اللي كان عايشها و مجرب كل شي و الحين أهو نضج و مستعد يتحمل المسؤولية

هل تقبلين بالزواج من رجل كنت تقابلينه من وراء أهله و كنت تكلمينه بالهاتف؟ ولماذا؟
لا لأنه اللي كلمني كلم عشرة غيري و إذا ما كان هذا صحيح ف أهوا راح يفكر هذا التفكير فيني و راح يخاف أن عيالنا راح يكونون نفس أمهم اللي سويته راح يسوونا بناتي و راح تشب المشاكل و زيادة إذا يا بيزوجني فا أكيد أهلي بيرفضونه لأن أكيد سمعته خربانة فإذا غصبتهم عليه و ما توالمنا ما راح يكون عندي ويه أطلب مساعدتهم

هل ممكن أن تتزوجين من رجل ليس من بلدك؟ ولماذا؟
لا لأنا الإنسان لما يتزوج لازم ما يفكر بس في نفسه لازم يفكر بعياله اللي راح إييبهوم أهما إللي راح ياكلونها شلون يطاوعج ضميرج تسوين هذا فيهم لازم تفكرين بالمستقبل و الله سمعت سوالف عن جذي مواقف العيال يدعون على أمهم على اللي سوته فيهم لأنها تزوجت مو كويتي شفيهم رياييل الكويت و الله شحلاتهم

ماذا يكون رد فعلك إذا كان زوجك شكاك جداً ؟
أطلب منه أن يثق فيني و إذا ما صار أسأله عن سبب شكه و بما إني واثقة من تصرفاتي أطلب منه الثقة أو الطلاق لأنه مافي زواج ناجح من دون ثقة

هل توافقين الزواج التقليدي؟ ولماذا؟
نعم لأن في هذا الزواج صيانة لسمعة البنت و يسمحلها قدرة التعرف على الريال بحدود العايلتين و بجذي راح أقدر أتزوج من شخص أهلي راضين عليه وهما أكيد يبون مصلحت و أخترته أنا من فترة الخطوبة اللي قدرت أكون إنطباعي عنه و موافقة الناس اللي يقولولي الصج عن الريال أشكرة لأنهم ما يهتمون في مشاعري أو مشاعره و إذا لا سمح الله ما توفقو مع بعض راح يساندونها أهلها 100%

شكرا على الموضوع الحلو و سوري على البدليات